Beba en busca do canto das baleas


Fai un par de días que podemos gozar do verán, unha estación que resulta ideal para as/os máis pequenas/os, unha época vacacional para que gocen de novas experiencias e xogos ao ar libre, aproveitando esa fonte de vitamina D que o sol lles proporciona para que os ósos crezan fortes e sans.

Estes días de descanso familiar son ideais para potenciar o vínculo afectivo entre nais/pais e fillas/os e tamén retomar o contacto con avós e avoas, tíos/as e curmás e curmáns, despois deste ano complicado e así coñecer o seu rol de grupo.

Para Beba é un tempo de aventuras, este verán está a preparar o seu barco pirata para saír a navegar en busca do canto das baleas, que, desde que leu no xornal que se avistaron baleas nas rías galegas non pensa en nada máis que saír na súa procura. A Beba encántanlle as baleas!

Beba non se esquece de levar un dos seus contos preferidos: Las arañitas de la risa, escrito por Mar Benegas e ilustrado por Luisa Vera, editado por Combel; acompáñanlle nesta aventura as arañas protagonistas e ten a ilusión de poder contar e cantar aos pequenos ballenatos esta fermosa historia. Beba deixounos este vídeo con todos os preparativos desta viaxe…

Beba en busca do canto das baleas

No vídeo Beba canta a canción que vos escribimos a continuación para que a cantedes con ela:

Había unha vez

un pirata no mar

con pata de pau

e un ollo non máis

surcaba os mares

nun barco veloz

a súa illa quería chegar.

Pira-taaa, pira-taaa, pira-taa-taa (bis)

Ademais deixámosvos unha pequena guía de lectura Surcando os mares… con Beba para que desfrutedes na casa ou na biblioteca durante a época estival. Agardamos que a desfrutedes! Eses títulos e outros moitos podédelos atopar no catálogo das Bibliotecas Municipais da Coruña.

Guía de lectura: “Surcando os mares… con Beba”

Tamén, Beba deixouvos preparadas unhas mochilas con libros con texturas, pop-ups, divertidos debuxos e incríbles historias.

Gozar en familia do pracer da lectura é unha actividade compartida marabillosa, e o primeiro paso para que os bebés aprendan a amar os libros.

Felices vacacións! Agardamos vervos pronto pola biblioteca! Verás que Verán!!!

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Blog en WordPress.com.

Subir ↑

A %d blogueros les gusta esto: