Xogando coa Natureza


Despois destes meses complicados, este verán e coa nova normalidade, temos  a oportunidade de gozar da natureza co noso bebé resultando unha experiencia vital para eles.

A natureza coas súas diferentes cores, sons, cheiros e texturas proporciónalles cantidade de estímulos para as súas neuronas, para as súas emocións e para a súa aprendizaxe.

Como sostiña María  Montessori: os nenos, nos primeiros anos, teñen unha mente absorbente. Comparábaos con esponxas, pero coa condición de que estas teñen unha capacidade limitada para reter o líquido, ao contrario que os nenos. A etapa da mente  absorbente estableceuna desde os 0 aos 3 anos, en que os pequenos «teñen unha especie de intelixencia inconsciente que desenvolve a súa estrutura mediante a absorción de datos procedentes do contorno».

Raquel Penín, no obradoiro do pasado 20 de xuño, fíxonos referencia   á importancia que ten, na etapa 0-2 anos, “favorecer o movemento, pero non un movemento mecánico e competitivo, senón aquel que procede do xogo, xa que o movemento organiza o cerebro e unha  boa organización corporal será a base da aprendizaxe cognitiva.”

Por iso, propoñémosvos que xoguedes sempre que poidades coa natureza e que os vosos bebés pasen o maior tempo posible en contacto con ela. As actividades en espazos abertos achegan cantidade de beneficios físicos ao neno e axúdalles a desenvolver  a súa creatividade e sociabilidade. Dálles información do mundo que os rodea e de si mesmos.

Deixámosvos unha Guía de Lectura con contos que espertan, aínda máis, o interese dos máis pequenos pola NATUREZA, descobrindo os  animais e o hábitat onde viven cos seus sons, cores, cheiros e as diferentes texturas. 

Agora imos xogar co pequeno Edu a un divertido xogo que consiste en adiviñar que parte do seu corpo vai agochando. 

Edu é o protagonista do delicioso conto: “Que esconde o pequeno Edu?”, escrito e ilustrado pola escritora belga Linne Bie e editado por Juventud. Un conto con adiviñas para descobrir o corpo, para nenos e nenas a partir de 18 meses. Nos Bbencontros cantámolo cunha melodía de Rosa León titulada “Jugando al escondite”. Agardamos que vos preste!

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Blog en WordPress.com.

Subir ↑

A %d blogueros les gusta esto: