AO PASO DOS VERSOS


Hoxe día 29 de Abril, celébrase o Día Internacional da Danza. Establecido pola Unesco hai máis de trinta anos co obxectivo de atraer a atención sobre esta arte, son moitas as institucións, axentes sociais, organismos e particulares que adican parte do seu tempo ou da súa programación á difusión deste medio de expresión.

As Bibliotecas Municipais sumámonos á celebración deste día coa campaña AO PASO DOS VERSOS. Durante 24h todos os nosos espazos virtuais inundaranse desta arte, atopando contidos desde diferentes perspectivas e para todos os públicos, cun fío conector…a DANZA!

Mais nesta plataforma o que prima sodes vós: crianzas e familias que xuntas compartides historias e momentos de lectura! É por iso que dun xeito breve pero intenso, vos queremos convidar a dar pasos entre versos e brincar dunha ilustración a outra. Como? Compartindo un variado de títulos para vivir a Danza dende a casa e así unirnos a todas aquelas persoas que nestes días non tiveron motivos polos que bailar, pero atoparon unha razón para facelo.

UN, DEUX, TROIS, QUATRE! Velaquí van:

  • Let´s Dance, Little Pookie por Sandra Boynton (Robin Corey Books, 2008). Tras a proposta da súa nai, Pookie sente atracción polo baile: brinca, marcha e salta para desfrutar dunha xornada do máis animada.
  • Bedtime classics: The Nutcracker (Penguin Books, 2019). Contemplade a batalla do crebanoces contra o rei dos ratos, coñecede a Fada de Azucre e viaxade ao Reino dos Doces da man de Clara, a protagonista deste ballet clásico baseado nos contos de Hoffmann.
  • The cranky ballerina por Elise Gravel (Katherine Tegen Books, 2016). De cando os movementos sen xeito son xeniais e tedes que experimentar para atopar o voso propio camiño artístico.
  • Olivia por Ian Falconer (Atheneum Books for Young Readers, 2010). Baixo a influencia directa do propio autor no mundo do ballet, a porquiña máis aventureira dos contos infantís achégase á danza a través de movementos e obras de arte.
  • Un tigre con tutú por Fabi Santiago (Siruela, 2017). Amizade, talento e empeño conxúganse para acadar o que nos fai felices…

… é por iso que Max -protagonista da historia- quere compartir o seu soño con todos os nenos e nenas que estades aí. Tras as pantallas. Descubrindo as nosas propostas. Compartindo tempo de baile en confinamento.

Hoxe ás 18:00h e nas RRSS das Bibliotecas MunicipaisParís abre as súas portas e móvese para todas e todos vós. Bulide e clickade nos tickets!

#AsBibliotecariasContan… UN TIGRE CON TUTÚ de Fabi Santiago

Mais nada que festexar un moi feliz DÍA INTERNACIONAL DA DANZA na mellor das compañías!

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Blog en WordPress.com.

Subir ↑

A %d blogueros les gusta esto: