Contos enCantos na Biblioteca Castrillón

 Esta preciosa imaxe da Carapuchiña Vermella (Silvia Gándara) representa a nova actividade que estamos levando a cabo na Biblioteca Municipal de Castrillón e da que hoxe vos presentamos o calendario das próximas sesións. Contos enCantos é un contacontos dirixido a cativos/as de 2 a 4 anos.

Reparto de invitacións

As entradas repartiranse os xoves anterior á sesión nun formulario que se habilitará neste blog a partir das 10:00 horas.
Se queres participar, cubre os teus datos, atenderemos as solicitudes por orde de entrada e enviarémosche por correo electrónico a confirmación de que estás inscrito/a ou en listaxe de agarda.

Unha vez que recibas a confirmación deberás pasar pola bilioteca ata a víspera da sesión para recoller o teu convite no mostrador da sala infantil.

Durante estas sesións, facilitamos un primeiro achegamento, sosegado e pracenteiro, das familias cos seus nenos/as e axudámoslles a descubriren os recursos e espazos da Biblioteca para así desfrutaren dela desde pequenos. Descubriremos unha gran variedade de contos, música, xogos, ritmos, personaxes, etc. e viviremos momentos máxicos de lecturas compartidas gozando das palabras e dos sons.

Os recursos utilizados durante esta actividade están dispoñibles nas Bibliotecas Municipais e pódense levar en préstamo.

Estes son algúns dos materiais que utilizamos.

É preciso resaltar que os pais/nais sodes unha peza clave nesta actividade, pois participades, desfrutades, apoiádesnos e, sobre todo, estades cos vosos nenos e nenas, co que conseguides así que para eles sexa un momento máxico de diversión e de tenrura.